• न्यूज की न्यूज डेस्क.

अंग्रेजी वेलेंटाइन पै स्टेज एप का देसी प्रेम नगर धुमा ठा रहया सै... जवानी याद ना आज्या तै बताइयो

आज वेलेंटाई डे सै, कोए पार्क महं घूम रहया सै तै कोए मॉल महं फिल्म दिखा कै आपणी दोस्त या घरआली नै खुश करण की कोशिश कर रया सै। पर हरियाणा आल्यो इस अंग्रेजी वेलेंटाईन नै एक बै देसी प्रेम नगर महं बना कै देखो, जै आपने पुराने दिन याद ना आज्यां तै बताइयो।

ईब्ब थाम पूछोगे के यो देसी प्रेम नगर कित सै। यो देसी प्रेम नगर सै... हरियाणा की इकलौती स्टेज एप पै। जी हां, देशभर चर्चा का विषय बणी होई आपणी देसी स्टेज एप पै रिलीजी होगी सै देसी प्रेम की वेब सीरीज प्रेम नगर। ईब्ब जाओ और देखोए जै स्वाद ना आवैं तै फेर कईयो।


वेब सीरिज का नाम - प्रेम नगर।


रिलीज डेट - 14 फरवरी।


कित देख सको हो - स्टेज एप।


कहानी और निर्देशन - संजीत सरोहा।

एक्टिंग - रोहित सांगवान, आकंक्षा भारद्वाज, जीतु सिंह, मास्टर राजेश और अन्य।


प्रोड्क्सन - स्टेज एप।



के बड़िया सै अर कित सुधार जरुरी -

स्टोरी : वेब सीरिज की कहानी बहुत बढ़िया सै। पुराने टेम अर गामां की प्रेम कहानी बहुत अच्छे तरीके तै इस कहानी महं लिखी गई सै। सारी छोटी-छोटी बातां का ध्यान राख्या गया सै। इतनी शानदार कहानी लिखण खातर संजीत भाई नै धन्यवाद।

गाने : फिल्म में दो गाने सैं, अर ये दोनों गाने इस वेब सीरिज की जान सैं। एक गाना फिल्म की कहानी नै चलाण का काम करै सै, अर दूसरा गाना सीरिज के अंत महं आवै सै। जो दूसरा गाना सै... होगया फेल बारहवीं महं... यो इसा गाना सै के एक बार कोए सुण ले तो जुबान पर तै कई दिन नहीं उतरैगा। कोए नया बालक हो या म्हारे बुड्डे सबनै गाना पसंद आवैगा।

म्यूजिक : म्यूजिक भी अच्छा दिया गया सै। बैकग्राउंड म्यूजिक कहानी नै मजबूती देने का काम कर सै। कहानी को म्यूजिक तै जोड़ने का प्रयास सै वो काफी शानदार सै। म्यूजिक टीम नै काफी मेहनत करी सै।

एक्टिंग : वेब सीरिज महं दोनों लीड रोल की एक्टिंग बढिया सै। खासकर रोहत सांगवान की। आकांक्षा को कम डायलोग दिए गए सैं, पर फेर भी आकांक्षा नै आपनी छाप छोड़ी सै। साइड कास्ट की भी एक्टिंग सही सै, पर लीड एक्टर के दोस्त का रोल थोडा बड़ा हो सकै था और साईकिल रेस भी थोड़ी कम रहगी। छोटे-मोटे सुधार सैं जो कर कै आगले पार्ट महं और लट्ठ गड़ सकै सै। बाकी सब बहुत बढिया सै।

डायलोग : डायलोग ज्यादा नहीं सैं, पर जितने भी सैं वे सारे शानदार सैं। जिस तरीके के डायलोग लिखे गए सैं वो ठेठ हरियाणवी को दिखा रहे हैं और हरियाणा के लोगों की जुबान पर चढ़ने वाले हैं।


ओवरआल : कुल मिलाकर बात करें तो वेब सीरिज शानदार सै। बहुत सरल और सहज तरीके तै प्रेम की कहानी बताई गई सै। हम तो कहेंगे के सब नै एक बार तै या वेब सीरिज जरुर देखणी चाहिए, पसंद जरुर आवैगी और उसके बाद दोबारा तो खुद ही देखण का मन कर ज्यागा। हां एक बात जरुर सै, वेब सीरिज थोड़ी छोटी राख दी। सामान्य वेब सीरिज में सात या आठ पार्ट हों सैं, पर संजीत सरोहा नै 4 पार्ट में क्यों राखी या तो वो ही बता सकैं सैं। खैर छोड़ो, जल्दी तै फोन उठाओ स्टेज एप डाउनलोड करो अर प्रेम नगर देखो।

रेटिंग :

कहानी - 5 में से 5

म्यूजिक - 5 में से 4.5

सिंगिंग - 5 में से 5

थीम फ्लो - 5 में से 4

एक्टिंग - 5 में से 4

कंसेप्ट- 5 में से 4.5

निर्देशन - 5 में से 4.5

ओवरऑल - 5 में से 4.5



एक स्पेशल मैसेज : म्हारे दो भाई विनय और प्रवीन ने स्टेज एप बना कै हरियाणा बोली खातर बहुत कुछ करने का प्रयास करण लाग रे सैं। इसलिए आप सब हरियाणा आल्यां तै आग्रह सै के प्ले स्टोर पै जाओ स्टेज एप डाउनलोड करो और हरियाणवी बोली नै आगे बढ़ाने के इस प्रयास महं शामिल हो। गारंटी सै के इसमें हरियाणा का कंटेंट देख कै थारा मन खुश हो ज्यागा।

83 views